స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ శనివారం నాటి ఎపిసోడ్ -227 లో స్వప్న జాగ్రత్తగా ఉండడం లేదని అపర్ణ, రుద్రాణి తనపై కోప్పడతారు. ఎప్పుడు నీ కోడలిని జాగ్రత్తగా చూసుకోవాలని తెలియదా అని రుద్రాణిని ధాన్యలక్ష్మి అంటుంది. ఎప్పుడు అంటిపెట్టుకొని ఉండాలా అని రుద్రాణి అంటుంది. స్వప్నని చూసుకోవడానికి ఒక నర్సుని ఏర్పాటు చెయ్యాలని అపర్ణ అనగానే.. స్వప్న టెన్షన్ పడుతూ వద్దు ఆంటీ మా చెల్లి నన్ను చూసుకుంటుందని స్వప్న చెప్తుంది. ఆ తర్వాత కావ్య ఇంట్లో పని చేస్తుంది.. ఒక్కదానికి కష్టం అవుతుంది వద్దని ఇంట్లో వాళ్ళు అంటారు. ఫ్యామిలీ డాక్టర్ కి చెప్పి నర్సుని పంపించమని చెప్తానని సుభాష్ అంటాడు. 

మరొకవైపు కళ్యాణ్ ని కలవడానికి అప్పు ఒక షాప్ దగ్గరికి వస్తుంది. లోపలికి వెళ్లేసరికి అనామిక, కళ్యాణ్ ఇద్దరు ఉంటారు. నీకొక గిఫ్ట్ తీసుకున్నామని కళ్యాణ్ అప్పుకి చెప్తాడు. నాకు గిఫ్ట్ ఎందుకని అప్పు అంటుంది. మమ్మల్ని కలిపింది నువ్వే కదా అని అనామిక చెప్తుంది. నువ్వు నా విషయంలో కళ్యాణ్ కి చేసిన హెల్ప్ గురించి చెప్పాడు. అందుకే అని అప్పు కోసం కొన్న చీరని అప్పుకి ఇస్తారు. నాకు చీర అంటే ఇష్టం లేదని తెలుసు కదా అని కళ్యాణ్ తో అప్పు అనగానే.. నేను చెప్పాను కదా అప్పుకి ఇలా అమ్మాయిలాగా పద్ధతిగా ఉండడం ఇష్టం ఉండదు. తనకి ఏ ఫీలింగ్స్ లేవు. తను ఒక స్టోన్ అంటూ అప్పు గురించి కళ్యాణ్ అనగానే.. అప్పు ఫీల్ అవుతుంది. అప్పు వెళ్తుంటే తనని ఆపిన కళ్యాణ్.. చీరని ఇస్తాడు. అప్పు బాధపడుతూ వెళ్తుంది.

మరొక వైపు కావ్యకి కాలు బెనకడంతో నడవలేకపోతుంది. ఇబ్బందిగా గదిలోకి వస్తుండగా పడిపోబోతుంటుంది. అప్పుడే రాజ్ అది గమనించి కావ్యని పట్టుకుంటాడు. ఆ తర్వాత కావ్య కాలు నొప్పి ఉందని తెలుసుకొని రాజ్ వెళ్లి ఆయింట్ మెంట్ తీసుకొని వచ్చి కావ్య కాలు పట్టుకొని ఆయింట్ మెంట్ రాస్తుంటే కావ్య మురిసిపోతుంది. కాసేపటికి కావ్య కృష్ణుడు దగ్గరికి వెళ్లి నా భర్త నటనని ఆపి నిజంగా ప్రేమించేలా చెయ్ దేవుడా అని మొక్కుకుంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.